شربیان

بیربوسه تمنّا ائله دیم یار نازا قویدی

قیشدیر دئدی وعده ی وصلین یازا قویدی

بیلمم منی گورجک نییه سرعتله سووشدی

یالواردیم ایاق تورموزا قویسون گازا قویدی

لطف ائیله دئدیم قویما بو عشقین کوزی سونسون

چونبلدی بیر آز مجمر عشقه آزا قویدی

اصرار ائله دیم لطفووی آرتیر بو حقیره

چوخلوق دئدی پوخلوقدی بناسین آزا قویدی

کونلوم قوشون، ازل؛ اوزی پروازه گتیردی

سونرا منی مرج ائیله مه گه قوشبازا قویدی

آهیم دالیسیجان او قَدَر کئش تک، اوزاندی

اولچوب حسابین ساخلاماقی بزّازا قویدی

برکیدی اَتیم پیشمه دی عشقین اوجاقیندا

باسدیردی کوله پیشمگیمی آشبازا قویدی

صادق بو غزلدن ایکی بیت ائیله دی انشا

لطف ائیله دی شعرین دالین عاصیم یازا قویدی

استاد عاصم اردبیلی

عاشق اولدوم کی یاریم دردیمه درمان ائلیه

یوخ که هر درده سالا دیقه ده حیر ائلیه

عاشق اولدوم کی تاپام بلکه غریبلیک داواسین

نه بیلئیدیم اوزو درد دی کی پریشان ائلیه

گوزلریم گونده قان آغلار نه یازمیش بومنه

کی منی یار گوزونه خار مغیلان ائلیه

اۇلدوزلار باتماز آغلار
یارێ اوْیاتماز آغلار
یار یاردان آیرێ دۆشسه
گئجه‌لر یاتماز آغلار

من دئمیره‌م دونیا یالان دونیادێ
یالان بیزیک دونیا قالان دونیادێ
بوْشالدێقجا داییم دوْلان دونیادێ
سن اؤزۆن ده دونیا کیمی دوْغرۇسان
آخێ سن ده «آذربایجان» اوْغلۇسان

داغ اوْلاخ، اۇجا اوْلاخ، آشمییاخ
دریا اوْلاخ، موج اوْلاخ، داشمییاخ
ایلان اوْلاخ، افعی اوْلاخ، ساشمییاخ (سانجمایاق)
مرد اوْلاخ، سؤز دانییشاخ، قاشمییاخ
(یاشاسین تؤرک اینسانلار)

قاپیمیز دوز آچیلیر آلچا- باداملیق باغینا 

هر بیچین واقتی یییه‌لیک‌لنلیک آخیر توپراغینا

شوکور اولسون کی یاغیش یاغمادا چایلاردا آخیر  

سو گئدیر آمما اویانلاردا یئرین چاتداغینا

یاشا دولدوقجا گئدیر قصابا املیک‌لریمیز    

بیزه چاتمیش دریسی ات‌ده خانین بارداغینا     

زیتونون یاپراغینا باخماق همن توولاندیق   

گؤرمه‌دیک قانلی قیلیش واردیر آسیلمیش ساغینا

قورو چؤر- چؤپ‌لریمیزدندی یانیر یاشلاریمیز  

چور گلرکن بورویر هرزادی باخماز آغینا

تانرینین دردی چوخالدیقدا اییلمیش قات- قات  

گؤز یاشیندان جالاییب تکجه دنیزجیک داغینا*

بسدی غم چکمه باخیش ایندی سحردیر کئفه باخ

قوی قالان دردلریمز قالسین او آخشام چاغینا

گجلر صبحه کیمی دیده نالان یاتا بیلمز

انتظارونده قالان باغری اولار قان یاتا بیلمز

یوسف فاطمه سن گوزلریمه نور و ضیاء

گر طلوع ایلمه سون دیده توکر قان یاتا بیلمز

                                                               سروده رضا صمدی

زولفونده نه لازیم، گؤزلیم، شانه دولانسین؟

قویما او حرمخانه‌نی بیگانه دولانسین

 عیب ایله‌مه، کویونده دولانسام گئجه گوندوز

 شمعین گره‌ک اطرافینه پروانه دولانسین

 ساقی! دولانیم باشینا، مئی جامینی گزدیر،

 سرمست اولوم، باشیما میخانه دولانسین

 اول زولفه کونول وئرمه، دییرلر منه؛ اَل چک!

 اونسوز نئجه بس بو دل دیوانه دولانسین

 مجنون نه برابر منه! صحرالره قاچدی

 عشق اهلی اودور عرصه‌ده مردانه دولانسین

 اغیار ایله اؤز یارینی همدم گؤرن عاشیق!

 دوشسون او گرک دشت و بیابانه دولانسین

 سرخوش‌لیق ایله عؤمرونی صرف ائیله‌مه «واحد»! 

عارف اونا دییرلر کی، حکیمانه دولانسین

کونلوم نقدر ایستسه عنوانی وطن دیر

هم ناموسی هم غیرتی وجدانی وطن دیر

الهامی اوزاخ اولکدن آلماخ نیه لازم

ان باقلی گوزل باغچالی بستانی وطندیر

اوز دوغما آذربایجانما قوربان اولوم من

شاعری یتیرن اوغلو شهریار وطن دیر

بو منيم وطنيم، بو منيم ائليم

جانيمدان عزيزدير توپراغيم ديليم

آل قانا بويانسام يادا ساتمارام

شرفيم وطن­دير بير آن آتمارام

آنامين قاني­دير آخان قولومدا

دؤيوشه گئده­ رم وطن يولوندا

قوربان­دير بو خالقا بو يوردا جانيم

باشي اوجا ياشاسين آذربايجانيم

شربیانیم، کهلیک لرون اوچاندا

کول دیبینن دوشان قالخوب، قاچاندا

باخچالارون چیچکلنوب، آچاندا

بیزدن ده بیر مومکون اولسا یاد ائله

آچیلمیان اورکلری شاد ائله

بایاتلار:فولکولر ترکی

آغـلارام آغلار کیـمی                    دردیم وار داغلار کیمی

خزه ل اولوب توکولدوم                  ویـرانـا بـاغـلار کیـمی

***

اوجاغی یاخشی قالا                    اودون قوی یاخشی قالا

نَه اولار بو دونیادا                       پیس ئوله، یاخشی قالا

***

لای لای دئدیم گونده من         کؤلگه ده سن، گونده من

ایلده قوربان بیر اولسا             سـنه قـوربان گونده من

***

آل کمری بئل باغلا             ساچلارینی تئل باغلا

نَه یادا سیرّینی وئر               نَه نامرده بئل باغلا

***

یامان گون کئچر گئدر           عؤمرومو بیچر گئدر

دونـیادا غـم شـربـتـین           هـرگـلـن ایـچـر گـئـدر

***

من عاشـیق دالداسـینا              مرد ایگید دالداسینا

نامرد آصلان اولسادا               سئـخیلما دالـداسینا

شَرَبیان یکی از شهرهای استان آذربایجان شرقی ایران است. این شهر در بخش مهربان شهرستان سراب قرار دارد.

شربیان یکی از شهرهای استان آذربایجان شرقی است که از مرکز استان حدود ۱۰۰ و از سراب ۴۰ کیلومتر فاصله دارد از لحاظ آب و هوا دارای آب و هوای سرد زمستانی و معتدل تابستانی و دارای طبیعتی بسیار بکر و سرسبز و منطقه‌ای حاصلخیز است.با این وجود در سال‌های اخیر بعلت فروکش نمودن سطح آبهای زیرزمینی بواسطه استفاده وسیع از منابع آبی زیرسطحی، آینده کشاورزی به شیوه کشت آبی در این منطقه با چالش جدی روبرو شده است.

شربیان مرکزیت روستاهای ایوق،برنج آباد، لنجوان،اسماعیل آباد، سرچشمه، و راه ارتباطیدهدولان و کهدولان به مرکز استان و شهرستان است.

عمده محصولات آن شامل گندم، جو، سیب زمینی و سیب درختی و از صنایع دستی مهم آن می‌توان به فرش شربیان اشاره کرد.

در سال‌های اخیر اکنون دیگر فقط شربیان با فرش هایش شناخته نمی‌شود.

ازکلیه دوستای خوبم خواستاریم تا با پیشنهادات

ونظرات سازننده خود ما را در هرچه بهتر شدن

سایت یاری بفرمایند.ممنونم

سلام به همه دوستای عزیزم

امیدوارم در کنار یکدیگر بتوانیم این وبسایت گروهی را با همفکری هم ونظرات وانتقادات مفید وسازننده در انجمن وبسایت ارتقای شهر وابادانی شهرمون مفید واقع بشیم..البته با معرفی این کلوپ به همه دوستای عزیز

خوش اومدین به کلوپ شربیان