شربیان

                اِی کتابِ  آسمان   اِی  روح  و  جان            اِی یوز اُون دوت سوره  اِی نور عیان   

      سَنسَن  عالمده صفالی گُلستان           پَر ویرار دورونده اون دوت باغبان  

      اِی یوز اُون دوت  آیت  بی خاتِمه           یا محمد      یا علی     یا فاطمه

باتشکر ازجناب آقای احمد باقری درمورد این شعر زیبا،ادامه شعر را از دست ندید

هراورگ احساس عشق و درد  اُولا  بیرآن  اوخور       سُویلی یَه هر نغمه نی رام  اُولماقا قران  اوخور

جذبه ی عشق خدا  دور  هر دلی چکسین  یولا         معنوییت    امتحانین    وئرمه گه   قران   اُوخور

سن خیال ائتمه عبس سوزدی بو سوز اِی مدعی     عاشق عشقین گورسَه ده معشوقینه قران اوخور

نیزه  اُوستوندن  باخوب  اطرافینه  شمس   خدا         گوردی   برپا دور    قیامت    زینبه   قران  اوخور

عشقیده  غوغا  ائدیب  حیرتده   قویدی  عالمی        اِنس و جن   فکر ایلیوردی  جبرئیل  قرآن  اُوخور

         اِی کتابِ  آسمان   اِی  روح  و  جان         اِی یوز اُون دوت سوره  اِی نور عیان 

   سَنسَن  عالمده صفالی گُلستان       پَر ویرار دورونده اون دوت باغبان 

     اِی یوز اُون دوت  آیت  بی خاتِمه         یا محمد      یا علی     یا فاطمه 

لائوبائی  بیر  جوان  جاهل  دولانسا   بیر  زمان         جاهلییتدن    ئوزین   قورتار ماقا    قرآن  اُوخور        

بیر  تنومند  قهرمان  میداندا  چوخ  سویلر  رجز          آخرت  سُوودآسی نه فکر  اِیلیوب  قران  اُوخور

باشلیار    حمد  و   ثنایه   یا لوارار    ئوز   ربینه         قلبیدن کیم سسلی یَه ئوز رب نی قرآن  اُوخور

اِی  کلامُ للهِ   وحی    اِی   آیتَ الکرسیِ  حق        جذبه ی عشقوندی احمد عشقیله  قرآن  اُوخور 

                اِی کتابِ  آسمان   اِی  روح  و  جان        اِی یوز  اُون دوت سوره  اِی نورِ عیان 

                سَنسَن  عالمده  صفالی گُلستان          پَر  ویرار  دورونده  اون دوت باغبان  

         اِی یوز اُون دوت آیت  بی خاتِمه        یا محمد    یا علی      یا فاطمه

                                       مهدی صاحب زماندی باغبان                            

                 احمد باقری